close

Anmelden

Neues Passwort anfordern?

Anmeldung mit OpenID

2002 - Chlaushöck - Was der Chlaus so meinte... Vorwort Das Johr

EinbettenHerunterladen
2002 - Chlaushöck - Was der Chlaus so meinte...
Vorwort
Das Johr isch dörä mit viel Turbulenzä, die Eintä händ än Gips, oder sös an Unfall, die
Andärä tuend d'Iisätz schwänzä, aber uf jedä fall, das än sötigä Verein cha öberlebä müend ali
Mitglieder fescht zämähebä. Um üs chönä z'entwicklä und förschi z'machä mönd ali zämä und
jedä Einzel au mitmachä. I dem Johr hät dä Storch grad ächli Stress gha das chömer gseh, mer
wönd üsnä Chind dä Verein au i Zuekunft chönä gsund öbergeh. Äs isch jedem dankt wo mit
sim Iisatz zeigt, das er doch ächli zomänä Rösseler neigt. Und schlussentlich simmer do anä
cho, und wönd Eu gueti und schlechti Kritik hinderloh.
Manuela Slagmolen
Au Du hegsch äs neus Hobby und zwor spazierä, häsch fascht dä ganzi Ritstall chönä
motiviärä än Usflug zmachä, mit Chind, Hund und andärnä Sachä und zwor vo Jona zos
Hottingers Stall, äs hät sich glohnt uf jedeä fall! Gratis Fitness wer het das dänkt, hät Dich vo
Dim Alltagstrott au ämol abglenkt. Oder häsch s'Auto nümmä chöna startä? Oder gosch jetzt
öfters uf so Pilgerfartä?
Erika Glöggner-Hautle
S'Schwingergirl, d'Erika, hät jetzt au än Ehemaa. Und no ein us äm Nochburland das isch jo
allerhand! De verstoht jo üsi Sproch nöd ämol richtig, aber das isch jo i dä Liäbi nümmä
wichtig! Jetzt werscht Du dän detä importiert, häsch Du eigenltich nüt studiert! Dä
Holzwormzöchter wöd Dii us üsäm Verein stellä, aber das lönd mer üs denn gär nöd gfallä!
Andrea Heggli
Kennät er das Gschichtli scho, vonärä Frau wo hät wöllä mit uf än 2-Tagesritt go? D'Hefahrt
hä si guät organisiert, s'Problem isch aber das d'Mitfahrglegäheit hät umdisponiärt. Drof hät
sich's Ross au anderscht öberleit und sin Iischtig in Transporter verneint. Was het dänn Dis
Ross för Maniärä? Zom s'Ross verladä chasch dänn nöd immer ä so lang probiärä! Aber das
isch no nöd s'Letschtä gsi vo Dim Ross, plötzlich uf där Allmend z'Frauäfeld bisch mit ihm
cho wiä äs Gschoss! Häsch nümmä wöllä hörä galoppiärä! Du hesch den Nervä! Oder hesch
Angscht gha s'Ross tög dr Arsch verwerfä? So, tuä Dich also vermehrt im Verein angaschiärä,
dänn tuät Diis Ross sicher au aastandslos in Transporter iä marschiärä.
Sandra Broder
D'Sandra Broder isch ä Frau, för's rittä vo Prüäfigä vom OKV, vo ufregig gär kei Spur, wiä
spot isch äs ächt, was zeigt ächt d'Uhr? Äs isch jo erscht elfi das zeigt sie jetzt aa, aber
d'Iilaufprüäfig fangt doch erscht am eis aa! Hoppla, lieber z'früh als z'spot oder gär niäh, so
weräd mer Di hoffentli uf äm Springplatz pünktlich und no öppä gsiäh!
Barbara Arzethauser
Aktiv bisch Du s'ganzi Johr, das isch än Lob Wert, das isch wohr. Aber mer händ us ängerä
Quellä ghört, Du hegsch i dä Geographie nöd so bliliert. An Parcour rittä und wössä wo dörä,
das wöt vo Der dä Rittlehrer wössä! Du wörsch gschieder nochli mit rittä wartä, und
stodiersch ämolä zerscht usäri Schwitzerchartä! Du sötsch statt rittä gschieder
d'Ahängerprüäfig machä, mer ghört öber Dini Autofahrkünscht jo scho wieder sachä! Retour
fahrä mit ämä Ahänger isch au schwer, wenn doch do no nöd äs sötigs blöds Bänkli wär! Am
beschtä wär för Dich privat, eine wo Der zor sittä stoht und öberall zeigt wo's rittä und s'fahrä
dörä goht.
Andreas Brändli
Dä Andi Brändli, hät das Johr nöd ä so äs glücklichs Händli. Äs jungs Ross zom usbildä und
zom spaziärä, bim rittä cha jo soviel passiärä! Oder nor bim ufschtigä ach herje, hät d'Scätsch
dä Ritter am Bodä ligä gseh. Mit viel weh weli und au au, häsch Du müässä zom Doktor go
und was hät er för än Befund? Äs segät nor d'Rippli und sös segsch Gsund! Das jungi Ross
schlot natürli a sim Bsitzer noh, das cha jo no schiäf goh! Du weisch jetzt, s'rittä au ufämä altä
Ross cha trügä, äs händ scho mänge gmeint sie chömät Flüge! Aber ä Sturzwestä das ghört a
jedi Bruscht, sös chasch Du nochher wieder nüt tue und d'Edith hät dä Fruscht!
Patrizia Koller
Bruchsch keis Bett meh händ mer ghört, hegsch diä ganz Nacht tschüttälät wiä gstört und
dänn no mit ä paar jungä Buäbä, hesch üs aber bewesä das Du uf Dich selber chasch luägä.
Bisch au schwär bewaffnet gsi! Mit ä huffä isärnä Verhüätterli! Mit dem Gurt bruchsch sogär
än Waffäschii, denn, mit dem schrecksch diä sterchschtä Mannä ii! Drum möcht ich Der hüt
im Name vo allnä Fraue än Priis för Dini super Erfindig verleihä, nämli de, för d'Erwiterig vo
der Verhütigsmittelreihä!
Brigitt Bablick
Z'Brichte öber Brigitt wönd mer nöd versumä, was isch dän passiert mit Dim Dumä? …. Än
guätä Tipp, dass Dini gsundä Finger nöd au no müänd liidä, loss Der vom Doktor än Böttler
verschribä. Kopf hoch und nöd verzagä, s'Lebä isch halt ä schtändigs wogä! Dini Wundä
werdät bald heilä und Du wersch au wieder Smeilä und am Concour Jona cha Dich där Verein
dänn wieder als Tombolös iiteilä!
Urs Thommen
Scho vierzgi und no nöd vil gschieder, häsch dänkt chönsch Dini Reparatur vom Auto an
Verein öberschriebä, S' Ursi häts gemerkt, Gott sei dank, sös wär jetzt s'Vereinskonto wieder
blank! Aber mer dörit nöd nur öber diä schlechtä Sachä brichtä, mit Dim Isatz dörs ganzi Johr
chönd mer nümä uf Dii verzichtä. Am Concour und all bi andärä Feschtwirt-Isätz bisch Du
nümmä weg z'denkä und au als OKV-Ditschei bisch du guet, mer hoffät es git Der för diä
nöchschtä Johrä Muet.
Muriel Juple
So zierlich und än Fuäss us Blei, hänsch üs starch öberrascht, hei! Z'Rüti uf dä Co-Kart-Bahn,
bisch bessessä gsi vomänä Gschwindigkeits-Wahn. Gegä Männer z'gwünnä auämol ohni
Ross, das isch äs Heileight, ganz famos. Aber denn i Frauäfeld hät sich denn usägstellt, dass
Dini Chraft Dich hät verloh, und häsch dänn zom rittä äs anders Ross öbercho.
Priska Ysenbout
Bravo Priska mit Dim Frohndiänscht s'ganzi Johr bisch Dus A und's O, Du zeigscht no mengä
wie Pünktli sammlä wör go. Öberall chamär Di a treffä, seg's bim Kickbord fahrä z'messä
oder än Sturz, jo au so öppis giz, und nochher bruchsch för Din Finger wieder ächli Gibs! Mer
stunät wiä Du das tuäsch meischtärä, und hoffe Du chönsch no viel för än sotigä Isatz
begeischtärä.
Ueli Gerber Ueli
Du bisch bekannt för kuriosi Sachä, drom muänd diä im Verein au öppä ab Der lachä. Do han
i grad ä chlini Episodä, mer alli hoffät aber es werd nöd zor Modä! Äs git Steh- und
Sitzpinkler i üsärä Spartä, Du chasch aber för Dis Gschäft nöd ämol me wartä. Will grad Dis
Ross under Der tuät uriniärä, hesch denkt tögsch äs jetzt au grad i dem Moment vom Ross
probiärä! So spontan tuät Dich aber au zom Teil Dis Angaschmo verlo, wenn's um Pflichtä im
Verein tuät go. Gell under dä Wochä tuäsch nöd gern cho? Trotzdem ä sonä einzigartigi
Kreatur, brucht viel Verschtändnis för sini Natur! Drom gäb mär Der g'schidär als än
Chluassack i d'Täschä, ä Urinfläschä!
Marcel Widmer
Du bisch jo scho ächli än komischä Typ, gosch go schiissä hinders Gschtrüpp. Hegsch Dis
Födlä numä so im Griff, säg ämol wiä alt Du bisch? Tögsch au sös ab und zuä spilä, und zwor
mit Dim Hund, zom d'Langwili vertriebä, aber das git doch kein Grund, zom Börzelbäum
schlo und nochher müässä a Krückä z'goh! Ich glaub Dis chindlichi benäh, hät's erscht sit
Dinärä Pensioniärig usäm Vorstand gäh, do tuend mer Dii scho starch vermissä, aber jetzt
hetät mer Angscht Du hetsch i d'Hosä gschessä!
Leila Gerber
Autofahrä tögsch au no nöd so lang, mit Dim Golf isch jo das keis Problem, dä hät jo nor ein
Gang! Mer händ denn ghört Du wörsch än jetztä gern verchaufä mit Renditä, und will kein
Chäufer gfundä hesch, hesch denkt lösäsch Di abäschüssä vo där Sittä. Es het denn klappt dä
Golf isch tot, mer hoffät Dini Schmerzä im Näckä segät au fort. Aber äm meischte händ mer
jo scho glittä, jetzt häsch Du doch scho wieder än sötigä Schlittä!
Gabi Hofstetter
Bisch das Johr sehr erfolgrich gsi, leider isch jetzt dänn Saison scho wieder verbii. Häsch ei
Plakettä noch där andärä hei dreit, sammlesch jetzt Altisä oder hani das no gmeint? Was
machsch Du dänn mit dem Metall? Häsch no gnuäg Platz i Dim Stall? Tuesch drus för dä
Limi neui Felgä schmidä, do hät Dis Ross au öppis dä foh und isch au z'fridä. Einmol do hät
Dich s'Glück grad ächli verloh, Du segsch uf der Autobahn blibä stoh. Wegämä platztä
Gummi das isch nöd so agnehm, äs isch nor bim Transporter gsi und nöd bim Fründ, das gäb
Problem!
Therese Kropf
Aber Therese was isch passiert, häsch vo St. Gallä bis fasch uf Winterthur studiert, was i däm
Auto bloss för äs Lämpli brennt, hesch äs eifach nöd erchennt! Uf dänä Autoarmaturä chamer
jo d'Lämpli chum erkennä, mer wörs gschieder neu aschriibä oder mit ämä Symbol benennä.
Jetzt lüchtät ebä das mit ämänä Tank, do isch's passiert, s'Auto macht kein Wank. Langsam
usrollä uf dä Pannästreifä, cha Dim Problem halt au nöd helfä, Du chasch froh sie das äs sötigi
Fründä git, wo der bsorgät und ivöllät ächli Sprit.
Edith Helbling
D'Edith üsi Pöschtläri, isch au s'ganzi Johr sehr aktiv gsi, zom servieärä und au sös, ghört mer
öber Dii viel schös aber eimol do häsch grad ächli billiert häsch fremdi Poscht grad
komposchtiärt. Aber s'Priisgeld vo andärnä Rittär, vermehrät sich au im Abfallchöbel nöd
wittär! S'nörchsti mol tuesch Poscht zerscht sortiärä, oder bruchsch Diis Hirni zom studiärä.
Kurt Hofstetter
Am Concour Jona do het mä Dii geseh, mer händ dänkt vo därä sortä geb's no meh. Mit
Sunnähuät und ämä Roggsack uf äm Boggel, was isch dänn das för än Wandervogel? Laufsch
dä ganz Tag hin und her und chunsch doch niänz aa, Du bisch aber ganz än komischä
Wandersmaa! D'Bergä wärät denn nöd do z'Jona zmetzt ufäm Flachä, Du machsch jo scho
Sachä! Und will dänn niämärt gfundä hesch, hesch agfangä, äs Mittagsschlöfli machä hinder
dä Concourstangä. Aber mer alli wössät jo scho, das Du äs mobils Büro häsch mitgnoh. Dass
a däm Alass z'Jona secher nüt chan passierä, häsch denkt tögäsch zor öberwachig flissig umä
marschiärä. Dini Organisation diä isch wunderbar gsi, mer hoffät Du sezäscht Di no mengisch
ä so ii.
Document
Kategorie
Seele and Geist
Seitenansichten
17
Dateigröße
60 KB
Tags
1/--Seiten
melden