close

Anmelden

Neues Passwort anfordern?

Anmeldung mit OpenID

Inhalt Wie fyyre d Spalemer Wiehnachte - spale.ch

EinbettenHerunterladen
Die erschti Syte
dr
Nr. 172 | Wiehnachts-Ussgoob 2010 15 | Syte Krayejoggi
D Clique-Zytig vo dr Spale
Wie fyyre d Spalemer Wiehnachte
Interview mit em Oli Müller
1. Hesch du Wiehnachte aigedlig iber­
haupt gärn?
Ych bi ambivalänt. Als Kind, bis ca. 12
Joor, hets mer sehr vyyl bedütet. Wo
ych älter worde bi, bin ych bi jedere
Glägeheit uff Südamerika verreist, do
mer die proforma Familieträffe uff e
Sagg gange sin. Die Mensche wo eim
ebbis beditte, die seh ich au unterem
Joor und mit dr Tante X/Y wo ych nit
am Huet ha und nur aimol im Joor zum
Wiehnachtsässe seh, na ja…
In de letschte Joore, hetts uff grund
vom vyyle Nochwuggs e bitz gänderet:
Ych bi 5-fache Unggle und 2-fache
Götti, s’Tabsi 3-fach und 2-fach, dorum
hänn mir e riiiiiise Brogramm. Ych ka e
huffe Gschänggli kaufe und vor allem
verschängge (macht mir mehr Spass
als beko, :)). Mit de Kinder spiil ich denn
au Lego, Playmobile, Games usw. Das
macht scho Spass.
2. Was machsch du, um in Wiehnachts­
stimmig z koo? Und ab wellem Zyt­
phunggt fangt bi dir d Wiehnachts­
stimmig aa?
Schwirig zum sage. Do ych kurz vor
Wiehnachte Geburi ha, isch die ganzi
Zyt (vo mitti Dezämber aa) als Kind
sehr uffregend gsi. Als Jungerwachsene
hetts mi aagfange ahschisse, dass Ych
mini Gschänggli immer alli an dr
Wiehnachte uff’s mol bikoo ha und e
Geburifescht in däm Sinn eher schmal
ussgfalle isch.
Hitte han ych im Vorfäld dermasse
Stress, dass die aigedligi Freud erscht
denne kunnt, wenn ych am 24igschte
z’Oobe Füüroobe mach.
Damit ich in Wiehnachtsstimmig
kumm, bruchts irgendwie Schnee, an­
sunschte fallts mer doch sehr schwer.
Will, sinn mer emol ehrlig: Als Mensch
wirdsch dermasse vo kommerzielle
Aspäggt überhüfft, do wird’s mer
richtig schlächt.
Ich ha bereits letscht Wuche e Laade
gseh, wo dr Wiehnachtsschmuck scho
dusse stoht. HALLO, es isch verglemmi
erst Herbstmäss!!!!
Inhalt
Allergattigs
| 01
Jungi Garde
| 13
Stamm
| 14
Wiirlede
| 27
Die letschti Syte
| 28
Allergattigs
3. Duesch du bi dir dehaime d Wohnig wiehnachtligg de­
koriere? Und wenn jo, in wellem Ussmaass muess me sich
das voorstelle?
Jetzt wo d’Rhea uff dr Wält isch, gitts s volle Brogramm:
Baum (är kunnt an dr Deggi ah), Lüüchtkerze, Adväntskranz,
Stärn im Fänschter usw.
S’Problem isch, dass es maischtens an Wiehnachte nur no
zum dail am Läbe isch: Unseri Katze nämme alles usenander… unglaublig. Letscht Joor isch unseri ainti Katz mit ere
Kuugele in dr Wohnig umme gsegglet.
4. Und wo fyyret ihr Wiehnachte?
(Bi de Eltere? Immene Fereihüüsli? Oder im Süüde?)
24.12. Bi unsere Eltere, 25.12.bi myne Verwandte, 26.12. mit
Gschwischterti und de Kids, ab 26.12. sinn mer im Schnee
bis nach em Neujoor.
5. Was gits an Wiehnachte z Ässe? Wär kocht? Und wär ru­
umt am Schluss d Kuchi uff?
Jedes Joor ebbis anders. Laider fählt kai Joor irgendwo
s’Fondue Chinoise (ich kas verglemmi nimme gseh, :)))).
Es gitt maischtens e vier oder finf Gänger. Koche dien
maischtens d’Mammis. Uffruume d’Papis.
Nr. 172 | Wiehnachts-Ussgoob 2010 15 | Syte 6. Und gits au Gschänggli?
Gschänggli gits aigedlig nur fir d Kinder, aber maischtens
bekömme alli ebbis glains.
7. Was isch s schlimmschte Gschänggli gsi, wo du an
Wiehnachte je bikoo hesch?
E paar sälber gschtriggti Sogge vom Omeli, lägg hänn die
bisse!
8. Singet ihr an Wiehnachte?
Eso ai, zwai Liedli singe mir scho, allne vora d Kinder. Das
ghört doch aifach drzue… (ych bi denn immer am Faxe
mache, do ych kai Doon triff)
9. Und wenn wird die ganzi Wiehnachtsdekoration wider
aabegnoo?
Hmm, aafangs Januar wird denn d Wienhnachtsdeko wieder
abbaut (und wenn’s niemmer gseht, den landet au emol
ebbis im Mischtsagg, :))))
Merci liebe Oli, dass du dir d Zyt fir das Interview gnoo hesch,
und uns so offe verzellt hesch… alles Gueti und … scheeni
Wiehnachte – Melanie
Ebbis feins an dr Wiehnachte
Kalbsfilet-Medaillon im Kokosmantel uff Lauchbeet
Für 4 Persone
8 Kalbsfilet-Medaillon 3 cm dick, 3-4 Lf. Sojasosse, 250 g
griibeni Kokosnuss, 800 g Lauch, 25g Angge, 1/2 dl Gmiesbouillon, 1/2 dl Rahm, Salz, schwarze Pfäffer, e abgribeni
1/2 Zitroneschaale, 2 Eiwyss, 2 El Mähl, 2 Lf. Brootbutter
D Kalbfleischmedaillon beidsittig mit Sojasosse bestriiche, uff
ere Platte zuedeggt 30 Minute kiehl stelle. Dr Lauch rüschte,
wäsche, in Ringli schniide. Butter in ere Pfanne erhitze.
Lauch adünschte, Mit Bouillon ablösche. Dr Lauch 5 Minute
köcherle lo. Dr Rahm bifiege, ohni Deggel so lang köcherle,
bis d Flüssigkeit fascht ykocht isch. Denn dr Lauch mit Salz,
Pfäffer und Zitroneschale abschmegge. Währenddäm dr
Lauch kocht, immene tiefe Täller d Eiwyss verquirle. Immene
zweite Täller d Kokosnuss fertig stelle. Dr Baggoofe uff 80°
vorheitze. E Platte mit aawärme.
D Kalbfleisch-Medaillon mit Kuchipapier trogge tupfe. Im
Mähl wände, überschüssigs Mähl abklopfe, S Fleisch duurs
Eiwyss zieh und nochhär in dr gribene Kokosnuss wände. D
Panade guet adrugge. Brootbutter in dr Brootpfanne erhitze.
D Medaillons bi mittlerer Hitz ebb 2 1/2 Minute je Sitte
abroote. Erscht wände wenn d Kokoskruste aabrünt isch.
D Medaillons uff die vorgwärmti Platte lege. Im Baggoofe
15 Minute nochgare. Dr Lauch nonemoll erhitze. Uff d Täller
aarichte und je 2 Medaillons druff lege. Nach Beliebe ka me
früschs Baquette drzue serviere.i
E speziells Wiehnachts- Dessert
Für 4 Persone
Zimtmousse mit Preiselbeer Zitronesosse
Zimtmousse: E Eigääl, 100 g Zugger, 1 Päggli Vanillezugger,
1 Vanillestängel plus ussgschabts Mark, 4 Tl. Zimt,
250 g Mascarpone, glatt grüert, 3 Blettli Gelatine, im kalte
Wasse yygweicht, 2,5 dl Rahm, styff gschlaage, 2 Eiwyss,
styff gschlaage.
Preiselbeer-Zitronesosse: 5 dl Cranberrysaft, 30 g Zugger,
1 Zitrone, abgriibeni Schale plus 2 El. Saft, 1 1/2 Tl. Maissterggi,
2 El. Preiselbeeri uss em Glas.
Mousse: Eigääl, Zugger, Vanillezugger- und Mark riere, bis d
Masse häll und schuumig isch. Zimt und Mascarppobe
drunterzieh. Die guet ussdruggti Gelatine in 2 El. heissem
Wasser ufflööse. 2–3 El. vo dr Mascarponemasse unter riere
zur Gelatine gäh. Gelatine in die rästligi Mascaorponemasse
yyriere. Im Kielschrangg licht asulze loh. Denn Rahm und
Eischnee sorgfältig drunterzie. Die Masse in nätti Gläser
verteile. Z.B. Wyygleeser, Zuedegge. Für 3-4 Stund in Kiel­schrangg stelle, damit s Ganzi fescht wird.
Sosse:Cranberrysaft uff 2 dl yköcherle, Zucker und Zitroneschale derzue gä, Maissterggi im Zitronesaft ufflöse und
unter Riere zum Cranberrysaft gä, 1-2 Minute köcherle,
Preiselbeeri byfiege.
Uff jedi Portion Preiselbeer-Zitronesosse verteile. Tipp: mit
droggnete Cranberrys bestreue.
Allergattigs
Nr. 172 | Wiehnachts-Ussgoob 2010 15 | Syte Interview mit dr Familie Eckerlin
1. Was machet iir, um in Wiehnachts­
stimmig z koo?
Ruhe sueche am Rhy oder im Wald go
laufe.
2. Mööget iir Wiehnachte überhaupt?
Die ganzi Hektik und dä ganzi Stress in
dere Zyt isch ächt miehsam. Aber wenn
d’Familie gmietlig zämme isch bimene
feine Ässe gniesse mir das.
3. Wo fyyret iir denn Wiehnachte?
Deheim im Kreis vo dr Familie.
4. Was git’s an Wiehnacht z Ässe?
Käs- oder Fleisch (Chinois) Fondue, Raclett.
5. Denn hän iir sicher au e Wiehnachts­
baum?
Jo lueg in dr Byylaag.
6. Und git’s au Gschänggli?
Fir d’Kinder, mir hänn s’ganz Joor scho
s’Gschänk:-)
7. Was haltet Dir vom Schängge und
beschänggt wärde?
Es isch nid s’Wichtigschte und eher
läschtig. Dorum git s all Joor die Hektik.
Wenn ich ebbis gsee wo-n-i ebberem
wöt schängge, kann ich das au unterem
Joor mache.
8. Was isch s’töllschte Gschängg gsi?
D’Kinder.
11. Göhnd ihr am Heilig Oobe in d
Kirche?
Nei, nid wirklich. Mir sin s’ganz Joor
keini Kirchegänger.
12. Und wenn wird die ganzi Wieh­
nachtsdekoration wieder aabegnoo?
Meistens scho sehr bald 27. od. 28.
13. Wie hänn Dir friener Wiehnachte
gfyyrt?
Eigentlich glich.
9. Was s blödschte Gschängg?
Kai Kommentar.
14. Het sich das verändert wenn Ihr
hüt mit friener vergliichet?
Nei, nur sin als Kind d’Gschängli scho
no wichtiger gsi als s’Ässe und s’zämme
sy.
10. Singet iir an Wiehnachte?
Jo, isch guet heert me das do nid:-)
Fir s Wiehnachts-Interview, d Claudine
Allergattigs
Nr. 172 | Wiehnachts-Ussgoob 2010 15 | Syte Uswärtigi Spalemer
Was mache eigentligg s Fränzi und dr Fabian?
1.Wie wurde Dir uns erkläre wo Dir
woohned?
Das isch ebbe no ganz schwierig zem
saage. Wenn mer das emol, sage mer
«lokal» aluegt, denn isch unsere Läbens­
mittelpunggt ganz klar zwische Züri
und Lugano, uff em Gotthard, wenn
mer wänn gnau si. Bim zweite Stai,
linggs, grad wenn de uffekunnsch, dert
sinn unseri bruchte Sogge. Die alte
Spale-Goschdym hingege, die änd-lagere mer in Lugano, wills dert kei Kerricht-Sagg-Gebühr git. Bösi Zunge behaupte zwor, mer heige schonemoll illegal Goschdym, so schwarzi Vögel, in
Gänf erfolg­riich besitigt. Das stimmt
aber nid – mer hänn nämlig beobachtet, dass si ebber zem Mischdkübel
ussgnoh und grueffe het: ou, die tolle
Goschdym, die ka me doch nonemoll
bruche.
2.Wieso sinn iir wägzooge?
Will mr tief in uns inne spüre, dass
mer die frohi Basler Botschaft mien in
der Wält verkinde. Usserdäm, könne
sowohl d Tessiner, aber ganz bsunders
d Zürcher guet e weneli Nochhilf in
allem Meeglige verdraage. Jo,ych mein,
wär ums Himmels Wille sprängt scho
freiwillig Böögis in d Luft?
3.Wie läbt sich’s dört so mit em Wät­
ter, dr Mentalität, gits Unterschiid?
Jä, wo mainsch jetzt gnau, in Lugano
oder in Züri? Problem mit em Wätter
im Tessin isch halt, wenns schifft, denn
schiffts, das isch denn mit Schwimmflosse, Stiefel, Überschwemmig bim
Nochber im Garte, Scharf und alles.
Wenns dert rägnet, wottsch nid dert si.
Aber in Züri wottsch jo aigedlig au nid
si, will, dert hets immer sone huffe
Zürcher. Denn wartisch also, bis es im
Tessin scheen Wätter wird und was
passiert, denn kömme alli Zürcher abe.
Die stelle denn zämme mit de Italiäner
und de Schwobe d Bevölkerig, dorum
isch es no schwierig, überhaupt e richtige Tessiner azträffe. Es het aber bi uns
in der Nöchi e Tessiner Salamiverkäufer, und dä isch ganz nätt.
4. Wie lang wohne Dir jetz scho dört?
Jä, wo wohne mir jetzt aigedlig? Dr
Mietvertrag in Lugano isch sit eme Johr
unterschriebe, d Miete hämmer, glaub,
au immer zahlt. In Züri hämmer jetzt
ganz neu wieder e Wohnig – dert sehts
no mehr noch Bombeaschlaag uss…
aber das spielt aigedlig au kai Rolle,
will meischdens simmer eh unterwägs
zwische Züri und Lugano und wohne
dorum am ehnschde im Zug. In dr Regel im zweitvorderschde Wage, sdritte
Abteil links. Leider kapiere das die
Zürcher amme nid und bsetze unser
Abteil. Denn muesch wieder luege, wo
alles Di Züg isch. Ajoo, apro-popo: het
irgendebber vo Euch mi Larve gseh?
5.Was machet iir dört brueflig und
wie gsehts mit Eurer Freizyt us?
Unsere Bruef isch unser Hobby: Studänte quäle. Egal ob an dr ETH, an dr
Uni Lugano, oder zwischedure mol am
MIT. Nai im Ärnschd. Mer läben uff
Koschde vo Bund und Kanton – nai,
dängg nid im Gfängnis, du Simpel! –
obwohl, wenn mes gnau nimmt, isch
dr Fabian aigedlig scho hinter Gitter.
Du luege Fotteli! Mängmol schaffe mer
au ebbis und versueche Forschig zmache. Jo, au e Bierkarte ka schwierig si
zem verstoh.
6. Fühle Dir Euch dört deheim und
wohl?
Klar, wenns keini Zürcher und Schwobe het scho – nur, wie obe erwähnt,
isch das in Züri amme no schwierig.
Sunnschd simmer rächt gniegsam und
fühle is unterdesse an rächt vyyle Ort
uff däre Wält deheim. In Boston, grad
bim Second Hand Laade, dert hets zum
Allergattigs
Nr. 172 | Wiehnachts-Ussgoob 2010 15 | Syte S Informatikgebaeude vo dr Uni Lugano, unter em Motto:
Schaffe hinter Gitter!)
Stata Center, s Informatikgebaeude vom MIT)
Bischpil e Pub, wo si sogar scho Fründschafstspiel vo dr
Schwizer Nati überdrait hän. Und im Tessin isch es jo sowieso cool, will die sinn jo schliesslig rot-blau. Und luschdigi
Uni-Gebäude zem über alli die schwierigen und spannende
wältfremde Froge no z dängge git s jo uf dr ganze Wält.
7. Vermisse Der Basel mängmol?
Klar, es isch vor allem nid luschdig am Bummelsunndig, am
22.47 im Zug noch Züri zhogge.
8. Würde Der irgendwenn wider uf Basel zrugg ko?
Sicher, wär weiss, wo dr Zug überall durefahrt? Und nadirlig
sowieso jedes Joor fir d Fasnacht!
E Schott froggt si Frau: «Darling, was hättsch Du
gärn uff d Wiehnacht?» Si sait: «Schatz ych ha kai
Ahnig». «Guet Darling, denn schängg ych dir e
ganzes Joor zem iberleege!»
Lago di Lugano und dr Monte San Salvatore
Häbbi Böörsdei …
10 Joor
Joelle Reifenrath, 13.01.2001
Nicola Langlotz, 19.01.2001
Alexa Weiss, 14.03.2001
15 Joor
Melanie Bonato, 01.01.1996
Hannah Berns, 23.01.1996
Jonas Steiner, 23.02.1996
Léa Vemba, 07.03.1996
Silvana Engel, 14.03.1996
20 Joor
Florian Stähli, 6.2.1991
40 Joor
Flavio Magliozzi, 1.1.1971
25 Joor
Géraldine Heeb, 14.3.1986 (pausierend)
45 Joor
Sandro Bonato, 25.2.1966
30 Joor
Fabienne Von Büren, 6.3.1981
Daniela Rothschild, 19.2.1981
50 Joor
Beat Sarti, 4.3.1961 (pausierend)
55 Joor
Martin Horny, 21.3.1956
Allergattigs Nr. 172 | Wiehnachts-Ussgoob 2010 15 | Syte Spale-Gnäggis
Häärzliggi Gratulation zer Geburt und alles Gueti für die jüngschte Spalemer.
Liebi Christine, alles Gueti für
eure Sohn Gaston Vincent
Gebore am 21. Juni 2010
Gwicht: 3220 Gramm
Grössi: 51 cm
Liebi Jaqcueline, alles Gueti für
euri Tochter Leonie Finja
Gebore am 28. Auguscht 2010
Gwicht: 3260 Gramm
Grössi: 49 cm
Liebi Nicole, alles Gueti für
eure Sohn Diego
Gebore am 29. Septämber 2010
Gwicht: 3960 Gramm
Grössi: 52 cm
Veranstaltungskalender
3.11.2010
FC Basel - AS Roma
4.11.2010
Stamm Tamboure Herbschtdtsitzig
9. 11.2010
Qualifikation: EHC Basel Sharks HC Lausanne
12.11.2010 – 14.11.2010
BuchBasel
13.11.2010
FC Basel - FC Thun
20.11.2010
Grossbasler Källerabstieg Dr SpaleKäller isch offe!!
21. 11.2010 – 16.01.2011
Palazzo Colombino
23. 11.2010
FC Basel - CFR Cluj
25.11.2010 - 23.12.2010
Basler Weihnachtsmarkt
27.11.2010
Basler Stadtlauf
16.12.2010
Spale-Wiehnachtsässe
8.01.2011 - 9.12.2010
Drummeli-Yebigsweekend
8.01.2011
Blaggedde Usgoog im Spalekäller
13.01.2011
Vogel Gryff
21.01.2011
Museumsnacht 2011
22.01.2011 - 23.01.2011
Ski-Weekend
30.01.2011
Wiener Johann Strauss Konzert - Gala
3.02.2011 - 5.02.2011
Offiziells Bryyspfyffe und -Drummle
4.02.2011 - 13.02.2011
Muba
6.02.2011
Marschyebig mit der JG im Eglisee
12.02.2011
Intärns Bryyspfyffe und -Drummle
19.02.2011
Drummeli - Yebig
24.02.2011
Piccolo stimme im Käller
25.02.2011
Drummeli Stellproob
26.02.2011
Marschyebig Stamm
26.02.2011 - 4.03.2011
Drummeli
13.03.2011
SOMM
14.03.2011 - 17.03.2011
Basler Fasnacht 2011
15.03.2011 - 20.03.2011
Wilson Badminton Swiss Open 2011
Allergattigs
Nr. 172 | Wiehnachts-Ussgoob 2010 15 | Syte Tattoo 2010
S Bier kiehl, dr Grill heiss und d Spale T-Shirts gräucheret – Au das Joor hän mir am Tattoo unserei Spale-Beiz
gha. Dr Hans uss em OK brichtet wies denn so gloffe isch.
1. Wie sin das Joor d Voorbereitige fürs Tattoo gloffe? Isch
es eifacher gsi, will mer scho letscht Joor mitgmacht hän?
Oder hetts Schwiirigkeite gää?
D Vorberaitige vo unserer Sytte sin aigedlig rächt guet gloffe
– s gitt jo nit eso veruggt vyylvorzebraite, dr Stand wird
zentral uffgstellt und die bschtellte Grät wärde glieferet.
Uffgrund von ere schwäre Kranggheit vom Chef Catering
vo Basel Tattoo isch aber Ainiges anderscht gsi wie letscht
Mol. So hänn sie Lieferante ussduscht und drumm ischs in
mancherlai Hiisicht wieder e Premiere gsi.
So hänn mir kurz vor em Tattoo erfahre, dass es kaini Salamander-Grill me gitt zem Miete (fir uns jo sehr wichtig) und
au sunscht isch nit alles klar gsi, bis kurz vor em Tattoo.
Kurzerhand hänn mir 2 Salamander-Grill kauft (die kenne
jetzt bi dr Spale gmietet wärde) und am Schluss hetts ebbe
doch no e paar Sächeli gäh zem organisiere.
2. Wie vyyl Sitzige zem Voorbereite hets gää?
Sitzige vorhär hetts nit gäh, mir hänn von ere guete Abschlusssitzig 2009 kenne profitiere wo mir s Sortimänt im
Grund gno scho definiert ka hänn. Spontan hänn denn d
Sandra, Bettina und ych entschiede, dass mr au no Frikadelle
abiete wärde, glaub no e guete Entschaid gsi.
3. Wie isch s OK zämmegsetzt gsi? Sprich wär het was
gmacht?
Im OK sinn gsi, Bettina Zwiller, Sandra Schenker, Muriel
Macquat, Hämpfeli, Steffi Keck und ych. S OK hett uss minere Sicht vor allem d Uffgoob dr Tagesscheff z stelle und dr
Betrieb z sichere. Will jo jede Daag en anderi Crew Dienscht
hett, erläbt me au jede Daag e Premiere und s goht halt maischtens e Momänt, bis sich das Arbetsteam gfunde hett und
s denn au so richtig lauft. Aber das isch halt aifach so, mir
hänn denn versuecht mit emene Briefing am Aafang alli uff
dr Yysatz vorzberaite und die wichtige Infos durezghä (das
funggtioniert natyrligg nur, wenn au alli phinggtligg derte
sinn). Trotz allem hett sich das bewährt.
4. Isch es eifach gsi, zem gnueg Personal für die ganzi
Wuche zämme z bikoo?
Das isch in dämm Joor nit ganz aifach gsi, d Muriel hett e
relativ grosse Uffwand betriebe um all die leere Fäldli sprich
Jöbs z fülle. Nachdämm sie denn alles voll kha hett und jede
e perseenligge Yysatzplan biko hett, sinn uff aimol Aenderigswinscht kho und zwar vyyl. Das goht natyrligg nit, das
spränggt jeglichi Organisation und drumm hänn mir entschiide, dass jede sälber fir si Ersatz muess bsorgt syy, egal
was dr Grund isch und s hett en Huffe Begründige gäh (vo
FCB bis ych waiss nimmi…).
Voraakindigung
Blagedde-Ussgoob
Achtig: Notieret euch jetzt
scho dr 8. Jänner 2011.
Vo 10:00 bis 14:00 findet im SpaleKäller d Blagedde-Ussgoob und
aaschliessend d Drummeli-Iebig, im
Schwingerkäller an dr GeneralGuisanstrooss 29, statt.
Und damit au jede zu Kraft kunnt,
kocht uns dr Dominik Klinger wider e
deftig-feini Suppe zem z Mittag.
Merci Dominik
Zwei Niggi Näggi unterhalte sich.
Sait dr aint zum andere: «Du so e
Thermoskrueg isch scho ebbis
tolls. Im Winter haltet er mi Tee
warm und im Summer kiehlt er mi
Cola.» Do maint der anderi nochdängglig: «Jä - isch super. Aber
wohär weiss dä Thermoskrueg
wenn Summer und wenn Winter
isch!».
Allergattigs
5. Gits grundsätzlig Dääg wo beliebter sin zem Schaffe?
und wenn jo wieso ächt?
Das hann ych nit kenne feschtstelle, s isch mir bewusst, dass
es under dr Wuche halt spoot wird bis mir fertig uffgruumt
hänn und au dass d Schichte relativ lang sinn. Uff dr andere
Syte hänn mir au erläbt, wie schwierig es isch, die ganzi
Mannschaft z wächsle und vor em Stand stöhn d Kunde und
wänn ihr Gäld loswärde… das erforderet vor allem Flexibi­
lität vo allne. Ych bi froh gsi, hett s in dämm Joor gueti
Gaischter kha, wo fascht immer hänn kenne und wo me au
kurzfrischtig hett kenne uffbiete.
6. Wie hesch du d Stimmig innerhalb vo dr Spale gfunde
am Tattoo?
Ych perseenligg ha d Stimmig maischtens guet gfunde. Ych
wett au betone, dass wenn dr Tagesscheff emol lutt wird
oder halt emol ussriefe duet, das nit perseenligg maint. Aber,
und do red ych uss minere Sicht, wenn ych fascht e Wuche
lang dra gang, denn erwart ych vo däne wo 2 Mol kemme,
dass sie voll drby sinn und e volle Yysatz laischte. S Zyyl
vom Tattoo und unserem Engagement isch jo nit, dass mr e
Rieseplausch hänn, sondern s Zyyl isch 1. dass mir zfriedeni
Gescht und Kunde hänn, 2. dass mr fir d Spale Gäld verdiene.
Nr. 172 | Wiehnachts-Ussgoob 2010 15 | Syte Und do kunn halt dr perseenliggi Spassfaktor erscht nachdämm mir d Kunde zfriedegstellt hänn und au guets Gäld
verdient hänn fir d Spale d.h. fir uns sälber!
7. Hets negativi Zwüschefäll gää?
Jo, laider isch uns e Service-Portemonnaie gstohle worde –
das isch wohl s Fiesischte wo hett kenne passiere und wird
vo kainere Versicherig oder so deggt. Mir hänn Lehre druss
zoge, d.h. mir wärde mit ere Ketti und hüffigerem wäxle versuche, dass das nimmi kha passiere.
8. Hets Situatione gä, wo dir bsunders negativ in Erinnerig
bliibe sin?
Aigedlig nit, aber das saag ych jetzt mit emene Abstand vo
e baar Monet. An de Oebe sälber närve mi nadyrligg scho
immer wieder Sache, aber das isch nadyrligg au will ych do
hochi Aasprüch ha, an mi und au an jede wo schafft. Ych
gseh das halt vor allem als wichtigi Yynahmequelle vo dr
Clique und s isch e super Glägehait sich z Zaige und Präsens
z markiere. Do druggt nit z letscht mi Ehrgyyz duure, dass es
nach emene sottige Uffwand wirggligg au yschängge duet in
dr Clique-Kasse. Halbpatzig wott ych so ebbis nit mache –
sunscht loss ychs lieber.
$ER¬'LASER
2IPPSTEIN¬¬#IMEI¬!'
'
àNTLISBERG
'
¬
¬
R
ER¬
BE
!'
R
E
(UGO¬2IPPSTEIN
iˆâ՘}]ÊØvÌ՘}]Ê->˜ˆÌBÀ]ÊÊ
Reparaturen, Spiegel Glasdesign
Burgfelderstrasse 229, 4055 Basel
Tel. 061 321 43 24, Fax 061 321 43 33
www.derglaser.ch
"i]Ê>ÃLÀi˜˜iÀÊ-iÀۈVi
œÊÃV…>vvÌÊ`ÀÊ>`BÀ˜iʁ1iˆ‚Ê“>ÀŽÊ>˜ÃÀÕi`ˆ
Filiale:
Mülhauserstrasse 94, 4056 Basel
Tel. 061 321 33 88, Fax 061 321 59 49
Service Partner
/i°Ê,ˆi…i˜ÊäÈ£ÊÈä£ÊnnÊnx
/i°ÊiÃV…ÊäÈ£ÊÇx£Ê£™ÊÓä
&RIEDRICHAutoelektrik AG
Hesch e Problem mit dim Auto oder muesch öbbis
dr für ha, denn lüt doch em René Friedrich aa!
Elektrik / Elektronik
Batterien LEVO / Delphi / Maxima
Beleuchtung HELLA / Original Teile
Navigation VDO / Alpine / Blaupunkt
Audio Alpine / Panasonic / Blaupunkt
Komfortelektronik HELLA / WAECO
Bremsen / Auspuff VALEO / Original Teile
Klimaanlagen
Service, Unterhalt
Vorführungen (MFK)
Friedrich Autoelektrik AG
Holeestrasse 55
4054 Basel
Telefon: 061 421 06 39
Telefax: 061 421 96 29
E-Mail: friba@dplanet.ch
Raus. Aber richtig.
Ihr Reise- und Outdoor-Profi in Basel
Aeschengraben 13, 4051 Basel, www.transa.ch
Allergattigs
Nr. 172 | Wiehnachts-Ussgoob 2010 15 | Syte 11
9. Und positivi Erinnerige?
Ych ha immer dr Plausch kha wenns so richtig lauft, d.h.
mir bikemme unseri Ware use und kemme grad so richtig
noche. Das sinn Momänt wo alli dra göhn und das gitt e
richtig guets WIR-Gfühl.
10. Was könnt me besser mache?
Ych dängg s gubti s ainte oder andere aber das isch Theorie.
Alles wo me ka organisiere macht s OK au. Wichtig isch,
dass alli wo derte sinn und mitschaffe dr Kopf bi dr Sach
hänn und flexibel sinn.
My Fazit: Ych dängg s Tattoo isch e tollen Aaloss und fir
unseri Kasse vo grosser Bedyttig. Mir versueche e gueti
Präsenz, gueti Qualität z biete so dass sich unseri Gescht,
Basel Tattoo und au d Spalemer wohl fühle. Ych hoff, mir
kenne no lang drby syy. S wurd mi fraye, wenn sich no Lyt
firs OK wurde interessiere!
Allne wo in de letschte 2 Joor mitgschafft hänn vo minere
Sytte e härzligg Danggerscheen. Allne wo s verpasst hänn
mitzschaffe, machet eych Gedangge wo Dir dr Spale dienlich syy kennte. Mir kenne jeedi Yynahmequelle bruche!
Merci liebe Hans, ass du dir spontan Zyt gno hesch –
Dangge – Melanie
Dr Schaggi und dr Heiri hogge im Bruune Mutz. Dr Schaggi macht e
Lätsch. «Was isch au Schaggi?» Meint dr Heiri. «Du mi Frau wünscht sich
zur Wiehnacht ebbis wo iire ins Gsicht stoot hett sie gsait und ych ha
aifach kai Idee». Druff dr Schaggi: «Das isch ganz aifach - schängg
Dinere Dora e Falteschüpp!».
Spale-Käller
Schitzemattstrooss 16a
Dr öbbis anderi Glygge-Käller zem Miete
Fir die öbbis andere Aasprüch
Mit schallisoliertem Muusig-Ruum
Reservatione
Sandra
Stebler
Stefan Keck
Baselstrasse
13, 4124
Schönenbuch
Leonhardsgraben
10, 4003
Basel
Telefon
07913
774
P: 061 261
62,92N:53
079 322 23 79
sandra.stebler@bluewin.ch
stefan-keck@bluewin.ch
Jungi Garde
Nr. 172 | Wiehnachts-Ussgoob 2010 15 | Syte 13
Spalapfi 2011
Sofort in d Agända yydraage:
S Spalapfi 2011 findet vom 11.–13. Juni 2011 statt.
Das git au näggscht Joor wider e absolute Blockbuster…
S sait e Blondine zu der andere: «Du das Joor fallt d
Wiehnachte uff e Frytig». Druff die anderi: «Jesses nai
au - hoffentlig nit uff Frytig dr 13.»
Stamm
Oktober halt.
Wind gar garstig draussen braust. Des Regen reich. Raus ins
Tram geschwind. Hallo Maya. Augen schwer. Redet von müde.
Zu fest Fest gefestet vorige Nacht. Unfall auf der Schiene
liegt. Tramkuschelndes Auto zu Haufen Blech mutiert. So
das Tram nicht zur gewünschten Zeit erscheinen kann. Doch
viele Bauern der Herkunft elsässischer, eisgekühlt-kristallklar in Reih und Glied auf die hälftige Schar der Pfeifen warten treu. Auch Hopf und Malz nicht verloren ist. Des Halses
erste Hydroeinheit schon ist erreicht somit.
Auf an des Rheines Borde! Direkt zur Kunsthalle mit Turbine.
Empfang durch der Turbine Meister Bick. Erzählt. Kunsthallen
mit Turbinen sind so sauber. Sonnenschein viel teurer als
Mann denkt. Turm des Atoms birgt viel des Stromes und der
Sorg. Vater Rhein für Strom zwar sehr strömend sich zuvieler
Kunsthallen vehement jedoch verwehrt. Vögel für Windkraft
eher nicht plädierend. Fragen? Ja und dringend. Wo es denn
wohl geht zum Topf für unaufmerksam Geblondetes?
Jetzt ins windignasse Draussen. Meister Bick bickt heiter,
worauf gewisse zicken weiter. Der Kran der hat Zähne. Das
Wehr wehrt sich des Kranes kaum. Bick nickt, wird nass und
macht uns nass mit viel Spass. Wehre schreien dann nach
Fragen. Leichen Leichen auch im Wehr?
In die Halle. Rotation. Vibration. Irritation. Der Emotionen
aber kaum. Bemerkungen fast poetisch. Warum ist der Halle
Blau nicht mehr so blau wie früher das Blau war blau? Turbinen machen Hallen höher. Weil zur Pflege gern der Lüfte sie
sich bedienen.
Nr. 172 | Wiehnachts-Ussgoob 2010 15 | Syte 14
Nicht der Luft doch dem Dunkel folgt alsbald die Schar.
Raum an Raum sich räumen. Heisse Räume. Kalte Räume.
Enge Räume. Niveau sinkt. Tief und tiefer. Nie allein, denn
Spinnen spinnen Spinnen deren Fäden. Kleine Spinnen.
Grosse Spinnen. Weisse Spinnen. Auch Spinner da vorhanden sind. Kalktränen sich wohl der Pfeifen Stundenbesuchs
entsinnend von den Wänden hängend runterweinen.
Windeseilig von der Halle weg auf den Dampfer ab nach
Chile. Apéro in der Mine Schlund. Mineure habens kalt und
dunkelwindig. Gute Miene zur bösen Mine. Happyend. Befreiungsaktion direkt nach Cuba. Inventar dort dem Raclette
viel näher als dem Rum. Castro ohne Bart brutzelt Schnitzel
nicht Ajiaco. Chicka lächelt tänzelnd immerzu. Erstaunlich.
Cuba voll der ausländischen Inländer und inländischen Ausländer. Mädchen Thailands mit Urnerfreunden. Nigerianische
Kugeln kugelnd schieben rum. Auch Bochum ist im Service.
DJ Smiling Fatlip voller unstimmiger Verstimmung.
Langsam sich die Schar entschart. Der Gründe viel es gibt.
Aufgaben, Hausaufgaben, Aufgabe.
Ein letztes Aufbäumen der Restschar im Baumhaus Linde.
Hoch die Krüge für des Treffs Garanten! Denn ohne Scharer
wie Phisevrin eine Schar sich nicht mehr schart.
Bummel halt.
Stamm
Nr. 172 | Wiehnachts-Ussgoob 2010 15 | Syte 15
Spale-Passivmitgliidschaft
Ich wott gärn Passivmitgliid vo dr Spale-Clique wärde! Ych waiss, dass dr Passivbydraag
30 Frangge im Joor bedrait und ich zahl dä Batze au regelmässig yy!
Namme:
Voornamme:
Adrässe:
PLZ:
Deelifoon:
E-Mail:
Gebuurtsdatum: aagworbe vo:
Datum:
Unterschrift:
Yysände an: Melanie Kobler, Reusstrasse 95, 4054 Basel
D Grossmamme seit zum Fritzli: «Bueb, du darfsch Dir
vo mir e Buech uff d Wiehnacht wünsche». Dr Fritzli
hocherfreut: «toll, super Omi - denn hätt ych am
liebschte Di Sparbiechli!»
Dr Maxli meint im Jänner zum Tante Vreni: «Du Tanti,
Di Wiehnachtsgschängg isch aifach s genialschte gsi
vo allne. Die Drummle bringts. Ych bikumm vo
minere Mamme fir jede Daag wo ych nid drummle
due – e Fünfliber!».
Stamm
Nr. 172 | Wiehnachts-Ussgoob 2010 15 | Syte 17
Z Bsuech bi dr BVB
Vordrääbler fasziniert vo dr BVB Betriebs-Leitstell.
S isch ammene heisse Spootsummer-Oobe gsi, wo sich e
paar Vordrääbler am Claraplatz droffe hänn. Ziel: d BetriebsLeitstell vo dr BVB. Neugierig uff das was do alles passiert,
sinn mer gsi. Und es hett sich glohnt. Denn es isch total
spannend gsi. S isch e Momäntli gange, bis mer uns an die
vyyle Bildschirm gwöhnt hänn, wo alli glychzittig gflimmeret und e huffe interessanti Date übermittlet hänn. E jede
Tramzug und sämmtligi Bus wo unterwägs sinn, wärde dört
365 Dääg im Joor, praktisch rund um d Uhr überwacht. Akkustisch und visuell. D Antenne wo das alles driber lauft –
isch nit ebbe uff em Dach vo dr BVB Leitstell – nai die stoht,
man lese und staune – uff em Bruederholz!
RBL (Rechnergestütztes Betriebsleitsystem)nennt sich das.
Do drzue bruchts näbe dr notwändige Hard- und Software
au alli Fahrplaniformazione, Fahr- und Dienstplän. Das ermöglicht e zytaktuelli Darstellig in Sache Haltstelle, Fahrplanabwichige uff de beträffende Fahrzüügbordgrät und so
wyter – Me ka also genau eruiere, welle Tramzug, welle Bus
wo und worum z spoot oder zfrieh dra isch. Ibrigens wärde
dört au alli Fahrdaate vo dr BLT (Basellandtransport) erfasst.
Me isch via Standleitig mit dr BLT-Leitstell verbunde. D BLT
wird z Nacht au vo vo dr BVB Leitstell überwacht. Ihr alli
kennet jo die tolle Aazeige-Tafele an de grössere Haltestelle.
Au die Fahrinformazione wärde in dr Betriebsleitstelle
laufend igää und aktualisiert. Das nennt me dynamischi
Fahrgascht-Informazione. Die wärde im Momänt bis uff 200
Aazeigetafele usbaut. Au die optische Informazione (DFI
Dynamischi Aazeige) in de Drämmli kömme nadyyrlig uss
dr Betriebsleitstell.
Klar isch, wär do schafft, muess e kiehle Kopf bhalte. S Team
bestoht normalerwys uss emene Leiter, emmene System­
betreuer, 8 Disponänte und ere Disponäntin. Gschafft wird
in Schichte. Bi Grossaläss wie FCB Mätsch, Fasnacht oder
Mässe wärde die mit zuesätzligi Disponänte unterstützt.
Meischtens isch au e Tramfiehrer/Busfahrer aawäsend, wo
bimene Problem (z.B. Unfall), schnäll vor Ort isch und allefalls
e betroffene Trämlifiehrer ablööse ka. Sitt über 20 Joor funktioniert das RLB z Basel beschtens, praktisch ohni Steerige.
Das isch doch ächt beruehigend fir uns als Drämmli-Fahrgescht.
Nadyyrlig hänn mer nach all däne interessante Usfiehrige
mit Blick uff alli Bildschirm au no dörfe de Disponänte über
d Schultere güxle und loose, was in de Drämmli wo unterwägs sinn, eso los isch. Es isch beydruggend gsi.
Do no e weneli ebbisis wissenswärts zur BVB allgemein: s
erschte elektrische Drämmli isch 1895 vom «Centralbahnhof» via Mittleri Brugg bis an alte Badische Bahnhof am
Riechering gfahre. Sitt 1900 ka me mit em Drämmli nach
Frankrich fahre. Dr erscht Bus isch im Joor 1930 gfahre. Zwei
Linie hetts damals gä. Vo Kleihünige an Claraplatz und vom
Hörnli an Claraplatz. 1947 hett d BVB dr schwerschti Unfall
verzeichnet mit 6 Tote. 1965 hett d BVB aagfange uff billeteurloses Fahre umstelle. 1967 hänn si dr erscht Billetautomat uffgstellt und sitt 1970 gitts keini Billeteur me. 1975 ischs
Tarifverbundzytalter aabroche. 1984 hänn d BVB und d BLT s
Umwältschutzabo lanciert und TNW, dr Tarifverbund Nordweschtschwyz isch 1987 Tatsach worde. In däm Joor isch au
die erschti Frau Trämlifiehrere worde und sitt 1999 gitts dr 7
Mer hänn e Huffe glehrt an dämm Oobe. Und wenn mer
jetze nach em Motto «Drämmli, Drämmli uff Di wart I
nämmli» anere Haltstell steehn, wo sone dynamischi Aazeige­
daafele uns mit digitale Date versorgt, denn wüsse mer hütte
wo und wie das passiert, – und dängge gärn zrugg, an dä
spannendi Oobe bi dr BVB-Leitstell.
Ruth K.
D Mamme froggt s Susi: «Spätzli, was wünschisch Du
Dir aigedlig uff d Wiehnachte?» S Susi sait: «Ych hätt
schregglig gärn e Pony». Druff s Mammi: «Nit aifacher
als das - denn lauffe mer morn grad zämme zem
Coiffeur gäll».
Uff dr griene Wiise froggt e Gans die anderi:
«Du sag emool, glaubsch Du an e Lääbe nach
dr Wiehnacht?».
Ihre Anforderungen –
unser Service.
Nutzen Sie als unabhängiger Vermögensverwalter
das Fachwissen und Engagement unserer
Spezialisten. Persönlich mit Kompetenz, damit
Sie noch direkter auf Ihre Kunden eingehen können.
Kommen Sie auf uns zu.
Basel: 061 277 77 62, hans.flueckiger @sarasin.ch
Genf: 022 322 99 44, sarah.brand@sarasin.ch
Lugano: 091 911 36 10, keros.bragagnolo@sarasin.ch
Zürich: 044 213 95 52, rosmarie.dolle@sarasin.ch
Responsibly yours
Basel Genf Lugano Zürich
Dubai Guernsey
Hong Kong London
München Paris Singapur
www.sarasin.ch
Stamm
Nr. 172 | Wiehnachts-Ussgoob 2010 15 | Syte 19
Dambuurebummel 2010 SpaHeLa
Dr Dambuurebummel vo däm Joor isch ganz im Zeiche vo dr
Pfadi gstande! Bi wunderbar sunnigem Wätter hän sich am
halb zwai z Mittag alli Böpperlibuebe (und 1 Meitli) im Spale­
käller igfunde und die erschti glaini Verpflägig zue sich gno.
(RICHTIG: Bier!)
Nachere kurze Begriessig und erer glaine Instruktion, hetts
drno e Baschtelstund gä. Schliesslig hett jo jede Pfadi welle,
as sy Halstuech am Hals au richtig hebt. Glyychzyttig isch
alles Lagermaterial in d Ruggsägg verdailt worde as mir
phinggtlig mit em Brogramm hän kenne wyterfaare. S ganze
Pfadiheer isch in vier glyychgrossi Grubbe ufdailt worde und
het jewyyls an e Ort in dr Innerstadt miesse verschiebe. Dert
isch vo de jewyylige Grubbecheffe die erschti Ufgoob verkindet worde. Innerhalb vo 15min muess e fertig kochts Spiegel­
ai im Bsitz vo dr Grubbe si. Dr Hoogge isch, as mers nit darf
kaufe und au nit darf sälber mache. Alli Grubbe hän die Ufgoob mit Bravour kenne leese! Bim näggschte Boschte sind d
Hirnzälle vo däne Pfadis teschtet worde. Zwei Rätsel hän
miesse gleest wärde. Natirlig het sich bi divärse Lyyt spetisch­
tens nach dere Aschträngig dr Durscht gmäldet. Nachdäm
das kleine Yybel besittigt gsi isch, sin die Grubbene uf dr
Peters­platz gloffe, wo sich alli zämme droffe hän. Wies sich
fir es Herbschtlager gheert, mien nadyyrlig Zält ufbaut
wärde. Das ganze nadyyrlig verpaggt als glaine Wettbewärb.
Als Beloonig, well sie das alli super gmacht hän, (ehm...naja
:) ) hets als Stärkig für jede e Suppe und e Wienerli gä. An däre
Stell nomol es ganz härzlig Danggerscheen and Christelle
und d Sandra fir dä supertolli Ysatz! Nachdäm die Zält wiider
abbaut gsi sin, ischs wyter gange zem Spalebrunne. Dert
sind ganz glaini Ballöön ufbloose worde, wo hän miesse rasiert wärde. Ich muess an däre Stell jo nid erwääne, dass so
ziemlig alles rasiert worde isch (usser d’ Ballöön)! Nach dr
Ver­schiebig an Fischmärt, sin mir alli vom Partytram vo dr
BVB abgholt worde, wo uns ufere guet eistindige, luschtige
Faart zem Restaurant Eintracht gfaare het. Well das Restaurant jo bekannt isch für sini «grosse» Cordon-Bleu ischs es
kai Kunscht zem erroote, was mir dert gässe han. Ganzi zwei
Fleischklümpe sin ys serviert worde. (je 14 kg pro Klumpe)!!
Mit volle Ränze und ei, zwei Verrysserli im Buuch hets
aschliessend e Diashow gä mit de Fötteli vo de einzelne
Grubbe bim Leese vo de Ufgoobe.
Bi gmietlige zämmesitze im Garte und luschtige Diskussione
hän mir däglungeni Daag lo usklinge. Ganz nach em Motto:
Mir geen no lang nid haim............:)
Eyer OK
Tortellini, Petit Nicolas und Don Promillo
Atelier für
Rahmengestaltung
Brugger & Persoz
Vergoldungen | Einrahmungen | Restaurationen
Öffnungszeiten
Mittwoch bis Freitag: 10–12 Uhr | 14–18 Uhr
Samstag: 10–14 Uhr
Montag und Dienstag: Auf telefonische Vereinbarung
Inserat Typo
Adresse
Spalenvorstadt 10
4051 Basel
Telefon und Fax 061 381 03 30
Stamm
Nr. 172 | Wiehnachts-Ussgoob 2010 15 | Syte 21
Fasnachtssitzig 2010… Bisch gsi?
Für alli wo nid hänn könne koo (!?) do e gleini Zämmefassig.
20:25, also relativ phinggtligg, hett dr Hans mit dr Sitzig kenne starte. Nach siner Begriessig hett aber als erschts grad
emol d Bettina s Wort gha: «kasch start drugge» hört me
hinde rächts d Bettina. D Diashow goot loss und per Beamer
gsehn mer e huffe Kieh, Bärge, Trachte, Schoggi, Uhre und no
vyyl meh. Dr Doon funktioniert leider nid und eso isch es
ungwöhnligg ruhig im Käller. Alli luege zer Lyynwand und
löhn sich ins Sujet vo unserer Junge Garde yystimme. Natürlig verrot ich an dere Stell nid meh – das söll no bitz waarte.
Jedefalls wird d JG an der Fasnacht sicher wider eimol meh
stolz und wunderscheen derhäär koo ... d Voorbereitige im
JG-Baschtelteam laufe jedefalls uff Hochtoure.
Derno verzellt uns dr Hans wo mir wärde ässe an dr Fasnacht.
Nämmlig leider nümm in dr Kasärne, sondern uff em Schiff.
D Kasärne stoot nümm zer Verfiegig, wills dört kei Organisator meh git. Sehr schaad, denn es isch rächt schweer für e
Gligge vo offiziell 127 Aktivi e Beiz z finde ... ok ... Fasnacht
mache wohl nid alli, aber trotzdäm. S Schiff isch sicher e gueti
Alternative. Und e Zmoorge am Moorgestraich biete die au
grad aa. Und so hett d Mehrheit an däm Oobe beschlosse,
dass mir das wänn ussprobiere.
E Schott goot uff d Poscht: «Frollein ych hätt gärn
e 50-Centbriefmargge, und sinn Si bitte so guet
und mache si dr Pryys ab - es gitt e Wiehnachts­
gschängg!».
E wyters Traktandum isch s Drummeli gsi. Dr Dänny hett uns
verzellt, was sich d Drummeli-Kommission für d Glygge ussdänggt hett. Eins isch uff jeede Fall glar, vyyles isch no unglaar. S Drummeli 2011 wird wohl e bsunderi Herusforderig
für alli Glygge gää. Denn d Bühni isch riisig und d Akkustik
topp ... was beditet ... me heert jede falsche Doon oder jede
falsche Drummelschlaag. Dr Ufftritt wird öbbis zwüsche mystisch und hightech mit vyyl Stimmig syy. Umzieh dien mir
uns wie s letscht mol wider im Gladdiatore-Käller. Vyyles
isch zer Zyt no am due und au do, s OK fescht am schaffe.
Nodäm uns dr Megge d Zahle präsentiert hett und dr Hans
zem Schluss no durch s Traktandum «Divärses» gfiert hett,
hämmer e Pause gmacht.
Und denn ändligg isch es im Muusigruum zer Sach gange.
Unser Hämpfeli hett wider emol alles gää. «Film ab» kam e
do nur saage. Sorry aber me wird au zem Stamm-Sujet nid
verroote. D Bilder miehn länge.
Schnoobe ... Melanie ;-)
Dr Hans hett synere Frau e Händy uff d Wiehnacht
gschänggt. Si goot in Supermäärt go ykaufe. Ihres
Händy lütet. Si nimmt ab. Es isch iire Maa. Sie ganz
perplex: «Jä sali Hans, worum waisch Du, dass ych
grad im Supermäärt bi!».
Stamm
Nr. 172 | Wiehnachts-Ussgoob 2010 15 | Syte 22
Dr Spalier
In dem Joor dörfe mir wieder emol an s Drummeli. Wie immer stellt sich im Vorfeld d Froog, was mir für e Nummere
wänn bringe. Dasmoll hänn mir e eigene Marsch in Ufftrag
gäh. Dä Ufftrag ich für dr Pfyffertäggscht an Michael Robertson und für dr Drummeltäggscht an Marco Balmelli gange.
Afangs Auguscht, wo unsere Stamm d Iebige wieder uffgnoh
het, hänn mir dr Pfyffertäggscht bereits gha und e jedere und
jedem isch e Liechtli ufgange, dass das bitzli schwieriger
könnt wärde als in andere Joor. Und au dehei mehr muss
g’iebt wärde. Unsere Marsch isch «Spalier» dauft worde (het
öbbis mit Spale z’tueh!) Bereits sin 2–3 Pfyfferstunde umme­
gange und nit numme d Instruggdoore sin in Hektik groote,
nei au «de Lernende» isch a’zmergge gsi, dass dä Marsch
rächt aaspruchsvoll isch, au ich ha’s gmerggt und gwüssi
Stelle immer und immer wieder miesse iebe.
Scho lang nümm het me alli Pfyffer eso konzentriert und
nooch an de eigene (agschriebene) Note gseh kläbe. Dr Caroline het au das nit glängt, nei sie het dr Platz diräggt vor dr
Liinwand in Aspruch gnoh. Es git au sottigi Pfyffer wo dr
Värs 3 numme halb dien pfyffe.
D Fabienne isch froh gsi, z’gseh, dass au versierteri Pfyffer
ihri liebi Mieh mit däne Knorzgriff hänn.
Diejenige wo sich hinter em Pfoschte befinde, y frog mi, wie
die überhaupt könne dr Stund folge.
Nach emene Zytli isch denn au dr Tamboure-Teil vom Marco
Balmelli fertiggstellt und abglieferet worde. D Pfyffer hänn
sich denn doch e bitzli z’frieh uf dr sichere Syte gefühlt, wo
druffaabe die erschti gmainsami Stund (das sinn Pfyffer und
Tamboure zämme, joo das gits au!) agstande isch und mir
Pfyffer mit erstuune hänn feststelle miesse, dass d Tamboure
dä Marsch bereits ganz könne (und mir sin no z’mitztdrin
ghange). Fairerwyys muess au gseit wärde, dass dr Pfyffertäggscht dr Schwierigkeitsgrad vom Copain no duet überträffe! Usserdäm ka me dasjoor feststelle, dass in fascht jedere Stund wieder neui Spalier-Afänger uffalle (wo sin Dir
denn bis jetzt gsi? Stellt sich dr eint oder ander d Froog!?)
Und au d Instruggdoore griege glaub’s langsam graui Hoor!
Was mache mir, wenn d Hälfti nit ka am Drummeli mit­
mache? Git’s e Playback-Show? No däte mir eventuell au
dr Zytrahme schaffe :o). Also ych bi jo sehr gspanne uf s
Drummeli 2011.
Für dr Stundebricht
Claudine
Spalier-Titelblatt
Unserem neue Marsch - em Spalier - fäält e tolls Titelblatt.
Wär sich wider emol kreativ möcht yybringe oder sy zaichnerischs Talänt möcht usslääbe, dä isch häärzlig uffgforderet
e Titelblatt z entwärfe. Ihr könnet euch jetzt scho mol Ge­dangge mache, wie sich dr Spalier in Zuekunft presentiere soll.
Die beschte drey Entwürf wärde em Michi Robertson wyter
gää… und wär weiss, vyylicht isch jo di Entwurf bi de
Gwinner?
Wyteri Detail-Infos und ab wenn ir euri Entwürf könnet
yysände und wo aane etc. folge no rächtzytig.
Stamm
Nr. 172 | Wiehnachts-Ussgoob 2010 15 | Syte 23
Interview mit em Marco Balmelli
Du hesch jo unsere neue Drummeli-Marsch gschriebe «dr
Spalier».
I ha «nur» dr Drummeltäggscht gschriibe, dr Michael Robertson d Pfyffer-Melodie.
1. Kasch Du mir d Entstehig vo unserem Drummelimarsch
beschriebe?
Dr Michael und ich hän ys zerscht no de Vorgoobe bi den
Instrugder vo dr Spale erkundigt. D Vorgoobe sinn gsi: Aigeständigi Melodie, Schwiirigkaitsgrad fir e Stammclique eher
hoch, Tempo eher zügig.
Denn het dr Michael e Grundmelodie komponiert und ich ha
dr Drummeltägscht zerscht elai und denn zämme mit em
Michael in Pfyffertäggscht ynegwoobe. Mir mache das immer
im Michael synere Komponierstube in Rhyfälde, dien im Rhy
fische derzue und nämme ebbis gege dr Durscht.
S Zyyl und d Useforderig sinn immer, dass dr Pfyyfer und dr
Drummeltäggscht zämme e Komposition sinn und nit s ainte
s andere verdrängt. Dr Michael uind ich sin e ygspiilts Team,
wo scho dr aint oder ander Marsch hänn dörfe entstoh lo
(Hofnaar, Monty, San Carlo, Fritzli als Bsp.)
8. Zämmearbeit (Spale-Instruggdore, Pfyffer-TäggschtSchryber)?
Isch mit däne Lüt (Michael und Däni) e Vergniege.
9. Was fallt Dir i, wenn Du «Spale» hörsch?
Usdruggsstarggi Sujet, grossi Jungi Garde, ufsträbende
Stammverein, tolle Käller.
10. Trausch Di uns am Drummeli ko lose?
Klar.
11. Was dänggsch vom neue Deheim vom Drummeli?
S wird guet ko, wie immer wenn sich Fasnächtler finde
mien.
12. Mit welle Erwartige kunnsch emol zu uns in d Stund ko
dr Spalier aloose?
I bi gspannt uf d Instruggzioon. I ha das lang in dr Seibi
gmacht und ha immer no zwei drei Triggli uf Lager, die verroot ich aber erscht denn.
Für s’Interview, Claudine
2. Wänn mir ebbis über Di erfahre. Y glaub jede het dr
Name «Marco Balmelli» scho emol ghört.
Curriculum Vitae: trommle seit ich gehen kann, 25 Jahre lang
Seibianer, heute Streifer, Militärtambour, Drummelkeenig
im Ainzel, in dr Grubbe und dr gmischte Grubbe.
3. Wär bisch Du?
Ich bi dr Marco, drummle und sing Schnitzelbängg bi de
Streifer.
4. Wär het Di agfrogt e Drummeltäggscht für d Spale
z’schrybe?
Dr Michael Robertson und dr Däni Plattner (wo im Militär mi
Korpis gsi isch).
5. Was hesch dört dänggt?
Schön, mach ich gärn. Für e guete Glygge wie d Spale lohnt
sich dr Uffwand.
6. Wie isch das eso mit dr Inspiration?
Es gilt dr Grundsatz: Komponieren ist wie singen, es lässt sich
nicht erzwingen. Es brucht Zyt und en Usenandersetzig mit
dr Thematik – plötzlig han ys denn im Kopf und s muess use.
7. Entstehig (Wie foht me a, mit was hörts uf)?
Ich mach zerscht en Analyse vo dr Melodie und dr Stimme.
Was ligt wie und wo isch dr Rhythmus. Derno muess me d
Drummellinie mit de Akzänt ynewäbe. Am Schluss gilts dr
Handsatz z definiere (welli Straich in wellere Raihefolg).
Stamm
Nr. 172 | Wiehnachts-Ussgoob 2010 15 | Syte 24
Interview mit em Christian Walk
(s’Glaine Hämpfeli)
Är isch syt däm Joor Mitglied in dr Spale-Clique. Usserdäm
und y glaub, das wüsse no nit vyyli, isch är bi dr Drummelgruppe «StickStoff» drbi. Sie hänn unter anderem bereits
mehr­mools am Mymösli teilgnoh mit tolle Uffdritt und au
an folgendem Alass hänn sie brilliert: «Top Secret, the Show!»
Jetz schlöhn sie aber e neus Kapitel uf, will sich e andere
Kontinent für sie interessiert, liis numme wyter…
stickStoff in Thailand
Dienstag, 19. Oktober 2010
Während in Basel die ersten Schneeflocken fallen, werden
wir den Winteranfang bei 30 Grad in Thailand erleben. stickStoff wurde eingeladen vom 2. bis 9. Dezember 2010 am International Folklore and Drum Performance Festival in Bangkok teilzunehmen. Dort werden wir während acht Tagen mit
einer halbstündigen Show Teil des königlichen Geburtstagsfestes sein. Bhumibol Adulyadej der Grosse, König von Thailand, feiert seinen 83. Geburtstag und gleichzeitig sein 60
jähriges Amtsjubiläum mit einem Festival, um den interkulturellen Austausch zu fördern. StickStoff wird als Vertreter
der Schweiz nach Thailand reisen und an diversen Auftritten
den Übergang von klassischer Fasnachtsmusik zu modernem
Show-Trommeln präsentieren. Wir freuen uns auf eine fremde
Kultur und auf spannende Tage in der 7-Millionen-Metropole.
Wie bisch zu däre Truppe kho? Hesch se mitgründet?
Nachdäm sich d Mimöslidrummelgruppe «Octopuls» (under
anderem mitem Hämpfeli, Plätti und dr Palme) nachem Mi­
mös­li 2007 Uffglöst hett, hänn einigi Octopülser nach Damboure gsuecht, um e neyi Mimöslidrummelgruppe z grinde.
Will ich einigi kennt ha, bi au ich agfroggt worde. Ich ha nadir­
lig zuegsait, und ha so d Drumelgruppe stickStoff mitgryndet.
Wie sin Dir uf dr Name Stickstoff kho?
Nachdäm mir 2007 scho villi Probe gha hänn, und au scho
gwysst hänn was mr am Mimösli im Detail drummle, hämmer am Iebigswucheänd ändi Novämber immer no kai Name
gha. Ei ziel vo däm wucheänd isch au e definitive name z finde, und so hett jeede e baar vorschleeg mitbrocht. Nachdäm
mir au nach ca. 20 Vorschleeg immer no kai name gha hänn,
hett dr Mötzli gfunde, dass stickStoff doch e luschtige name
wär, dä hämmer denne au gno. Laider isch mi favorit «Fanatischi Forte Frynde» nid aagnoh worde...
Hesch denn Du suscht kei Hobby?
Usserem drummle? Nid wirgligg. Ich bi in drei Verein als
Dam­bour drbi (Spale, stickStoff und UFS), und das längt mir
als Hobby völlig. S hett scho wuche gä, woni jeede oobe
drummle gha ha. do blybbt nymmi blatz fyr ebbis anders.
Wie gsehts mit em Iebigsufwand us?
Also fyrs Mimösli vömmer immer nach dr Fasnacht aa, und
ieberleege uns was mr am näggschte Mimösli drummle
wänn. Denne hämmer bis im Summer e baar drymmligi
Probe, wo mr meh a dr Baar sitze und Bier konsumiere, als
dass mr wirgligg dien Iebe. Wenn d Summerferie denne vrbyy
sinn vömmer aber denne richtig a mit iebe, denne isch eimol
pro Wuche stickStoff proob. Momentan isch dr Probedaag
am Mittwuch (dr Proobedaag isch immer e Problem, will mir
Damboure us 8 vrschiedene Clique hänn). giebt wird zwei
Stunde. Denne kunnt im Novämber immer no e Iebigswuche­
änd mit de Hofnaare (dr Mimöslipfyffergruppe) drzue. Im
Dezämber gitts denne meischtens no e Probedaag, und im
Januar kemme denne no die ganze Probe uff dr Byhni drzue.
Fyr uff Thailand iebe mr seperat, will nid alli Damboure mitko
kenne. Momentan Probe mr zweimol pro wuche fyr uff Thailand, e baar Probedääg fyr dä aaloss sinn au no plant. In dr
letschte wuche vor Thailand wärde mr denne Jeede oobe iebe.
Jetz göhn Dir nach Thailand...wie isch das kho?
Mir hänn nachem Mimösli 2009 sehr villi aafroge fyr Ufftritt
gha mit unserem Showstugg «The Stickfactor», und nach
jedem ufftritt wieder aafrooge kriegt. Nach kurzer zyt
hämmer jeede Monet ufftritt gha (und sogar e baar ufftritt
absaage miesse). Im Septtämber (2010) isch denne e ufftritt
am Zahnärztekongräss gsi. Deerte hett uns dr Presidänt vo
dr CIOFF Schwiz gseh. D CIOFF isch e Tochtergsellschaft vo
dr UNESCO, wo wältwitt Festivals und Shows organisiert. Im
Dezämber hett dr Thailändischi König dr 83. Geburtstag. Ihm
zu ehre gitts in Bangkok e Festival mit Drummel- und
Folkloregruppe us dr ganze Wält. E Gruppe uss dr Schwiz sell
a däm Festival nadirlig nid fähle. Zerscht isch Top Secret
agfroggt worde, die hänn aber abgsait. Nachdäm uns dr Presi­
dänt vo dr CIOFF Schwiz a däm ufftritt gseh hett, isch är uff
uns zueko, und hett uns gfroggt, ob mir nid luscht hätte.
Bisch Du dört au mit vo dr Partie? (Was seit Di SpaleInstruggdr drzue?)
Nadirlig los ich mir zwei Wuche Thailand nid entgo! Dr Plätti
isch informiert. Das ich zweimol im drummle fähle wird,
isch hoffendligg nid eso schlimm (ich bi bis jetzte in jedere
Stund gsi).
Wär das au öbbis für Pfyffer?
Mimösli? S hett jo e Pfyffergruppe am Mimösli, d Hoofnarre,
die sueche immer neyi lyt wo kemme go mitpfyffe. Aber,
zums diplomatisch ussdrugge: Wenn ich pfyffe wurd, denne
wurd ich e anderi Pfyffergruppe ussueche, und nid zu de
Hoofnarre go…
stickStoff? Leider nein. stickStoff isch e drummelgruppe,
und wird au immer e drummelgruppe blyybe!
Thailand? ähm, jo, s haisst «International Folklore and Drum
Performance Festival»… Pfyffe wird nieneds erwähnt…
Ka me sich bi Euch bewärbe?
Also bewärbe dönt so formal. Mir sueche immer neyi Damboure, wo motiviert sinn anere Vorfasnachtsveraastaltig
mitzdrummle. Wär inträsse hett ka sich bi mir mälde.
S gitt aber wie allewyyl e baar kriterie:
E drummlerisch mind. Niveau bruchts ebbe scho. Das haisst
nid, dass me drummle könne muess wie dr Plätti zum mitmache, aber me deerf in dr Gruppe nid steere. Im gegedail,
me muess e stytzi in dr Gruppe syy.
Motivation, s brucht eifach motivation und vorallem zyt. S
isch e oobe me, wo wägfallt in dr wuche. Usserdäm isch dr
iebigsuffwand nid unwäsendligg.
Wär Bärgernote läse ka isch klar im Vorteil. S isch zwar nid
pflicht (mir hänn au baar in dr gruppe wos nid könne), macht
die ganzi sach aber eifach.
Denne isch nadirlig s soziale nid z vrnoochläsige. Me muess
eifach id gruppe passe, wär zwar guet drummle ka, aber
suscht e Arsch isch kenne mr au nid bruche..
Wär will ka sich jo uff www.stickstoff.ch e Bild vo uns mache.
stickStoff – Die Geschichte
Im Jahre 2007 löste sich die damalige Mimösli-Trommelgruppe «Octopuls» auf, weil viele ältere Mitglieder keine Zeit
oder Lust mehr hatten, sich dem doch sehr zeitaufwändigen
Projekt «Mimösli» zu widmen. Einige der jüngeren Mitglieder
fanden dies bedauernswert und wollten weiterhin an der
Vorfasnachtsveranstaltung Mimösli mitwirken. Deshalb ent­
schieden sie sich, eine neue Trommelgruppe auf die Beine
zu stellen und luden viele junge Tambouren zu einem Treffen
ein. Da das Interesse gross war, wurde schnell klar, dass eine
neue Formation gegründet werden sollte.
Die Einladung zur ersten Probe nahmen rund 16 Personen
war, von denen schlussendlich 13 übrig blieben, denen der
zeitliche Aufwand sowie das trommlerische Niveau nicht zu
hoch waren. In der Person von Willy Bannier wurde ein kompe­
tenter und äusserst unterhaltsamer Instruktor gefunden, mit
dem die Arbeiten für das Mimösli 2008 aufgenommen und
vor­angetrieben wurden. Die dazumals noch namenlose Gruppe entschloss sich, am ersten Mimösli gleich mehrere technisch anspruchsvolle Stücke einzustudieren. So wurde der
Trommelmarsch «Dr Drummler» und die Trommelkomposition «S Ysebähnli» ins Repertoir aufgenommen. Dazu ka­men
der «Rossignol» sowie der «Liberty Bell March» (auch be­kannt
als Titelmelodie der berühmten Britischen Serie «Monty ­
Python’s Flying Circus») für die gemischten Auftritte mit den
Hofnaaren.
Bei einem Übungswochenende in Seewen wurde schliesslich
ein Name für die Formation gefunden: Vorschläge wie «Fana­
tischi Forte Frynde», «Karpaltunnelsyndrom» oder «hetts no
forte?» konnten sich nur ganz knapp nicht gegen «stickStoff» durchsetzten.
]ZZW hX]gVco
6 gX]^iZ` iZcjcY>ccZcVgX]^iZ` iZc=;<K H>
HZkd\ZahigVhhZ(%
8=")%*'7VhZa
IZaZ[dc%+&'+)..%%
;Vm%+&'+)..%&
:"BV^a^c[d5]ZZW"hX]gVco#X]
l l l#]ZZW"hX]gVco#X]
A5_quer_s-w_schwarz_weiss.pdf 10.10.2008 11:12:40
C
M
Y
CM
MY
CY
CMY
K
Wiirlede
Nr. 172 | Wiehnachts-Ussgoob 2010 15 | Syte 27
E Inserat im Krayejoggi
Ich möcht gärn e Inserat im Krayejoggi blatziere. Dr Krayejoggi kunnt 3 mol im Joor uuse und d Ufflaag isch jewyyls
400 Exemplar. D Bryyse sin immer fir e ganzes Joor grächnet. Dr Einzelbryyse gits gärn uff Aafroog.
Format: □ 1/1 Syte 210x297 mm (Hochformat)
□ 1/2 Syte 190x133 mm (Querformat)
□ 1/4 Syte 90x133 mm (Hochformat) oder
190x61 mm (Querformat)
□ 1/8 Syte 90x61 mm (Querformat)
360.–
300.–
260.–
Zuesätzlig zemene Inserat, möchte mir de Firmene
wo ganzjöörig im Krayejoggi inseriere, d Gläägeheit
gää, sich uff ere ganze Syte nöcher voorzstelle – und
das erscht no gratis. Hän mir Ihr Interässe gweggt,
so wände Sy sich bitte an d Claudine Rippstein.
200.–
Namme vo dr Firma:
Kontaktpersoon:
Adrässe:
Deelifoon:
E-Mail:
Datum:
Underschrift:
Yysände an:
Claudine Rippstein | Stallenrain 15 | 4104 Oberwil | 061 401 04 84 | 076 380 02 50 | crippstein78@gmail.com
Wichtigi Adrässe
Obmaa
Hans Flückiger
P: 061 501 40 60
Hölzlistrasse 40
N:079 666 48 15
4102 Binningen
hans.flueckiger@sarasin.ch
Pfyfferchef
Michi Jerlo
Kleinfeldweg 21
4106 Therwil
jerlo@intergga.ch
Schryybere
Melanie Kobler
P: 061 321 07 88
Reusstrasse 95
N:079 775 29 63
4054 Basel
melaniekobler@gmail.com
Vordrabchef
Michi Wieser
P: 061 266 10 02
Klosterberg 19
N:079 398 25 87
4051 Basel
michael.wieser@baseltattoo.ch
Kassjee
Stefan Keck
Leonhardsgraben 10
4003 Basel
stefan-keck@bluewin.ch
Sujetobmaa
Markus Heeb
P: 061 263 34 00
Martinsgasse 12
N:079 320 42 83
4051 Basel
markus.heeb@heeb-schranz.ch
Obmaa JG
Tobi Schärer
P: 061 271 67 14
Wallstrasse 14
N:079 795 24 80
4051 Basel
tobi.schaerer@gmail.com
Källerwirt
Stefan Keck
Reservatione Leonhardsgraben 10
4003 Basel
stefan-keck@bluewin.ch
Damb.-Chef
Philipp Eckerlin
P: 061 601 03 62
Giebenacherweg 2
N:079 681 19 94
4058 Basel
philipp.eckerlin@angenstein.ch
Källerteam
David Zeller
P: 061 321 71 77
david.zeller@cabb-chemicals.com
Stefan Keck
stefan-keck@bluewin.ch
P: 061 261 13 62
N:079 322 23 79
N:079 408 07 29
P: 061 261 13 62
N:079 322 23 79
P: 061 261 13 62
Spale-Käller Schützenmattstrasse 16a 061 261 77 86
Die letschti Syte
Nr. 172 | Wiehnachts-Ussgoob 2010 15 | Syte 28
Hesch gwüsst…
Dr Spale-Wiehnachtswüssenstescht
1.Bis wenn goot d Wiehnachtszyt?
a)bis zem Morgestraich
b)bis zum Oobe vom zwaite Wiehnachtsdaag
c)bis zum Dreykeenigsdaag (6. Jänner)
d)bis zem Sunndig nach em Dreykeenigsdaag
2.Ums Joor 1500 isch Wiehnachte als «Kinderbeschängg­
daag» no völlig unbekannt gsi. Schläggsache und Spiil­
züüg het doozmool no dr Santiglaus am 6. Dezämber
brocht. Worum het das gänderet?
a)Well d Chance uff Schnee zem «Kinderfescht» am 24.12.
besser isch
b)Well vyyli Kinder vor em Santiglaus Angscht ka hänn
c)Well d Protestante drgege gsi sinn, ass Heiligi als «Mittler
göttlicher Gnade» gälte
d)Well em Santiglaus dr Sagg z schwär worde isch und bis
zer Fasnacht z warte no z lang gsi wär
3.Wo landet d Poscht, wo Kinder ohni Adrässe ans Christ­
kindli dien schigge?
a)Sie werde an Absänder zrugggschiggt
b)In ere Wiehnachtsposchtfiliale
c)Bi dr Frau Fasnacht
d)Sie wird zem Nordpol gschiggt
4.Was wünsche sich d Kinder im traditionelle Wiehnachts­
lied «Morgen kommt der Weihnachtsmann» in dr Origi­
nalversion vo 1840?
a)Puppe, Eisenbahn und Auto
b)Trommel, Pfeife und Gewehr
c)Mimösli, Orange und Räppli
d)Pferd, Hund und Katze
5.Worum isch dr Adväntskranz erfunde worde?
a)Um de Kinder d Wartezyt bis zer Wiehnacht z verdütlige
b)Um d Batterie vom Kopfladärnli in de dunggle Stunde no
z schoone
c)Um em Christkindli dr Wäg zu de fromme Familie z zaige
d)Um vor Wiehnachte nid uff e Duft vo Tannezwiig verzichte
z miesse
6.Weeles gilt weltwiit als s bekanntischti traditionelli
Wieh­nachtslied?
a)Last Christmas
b)Stille Nacht, heilige Nacht
c)Morgen kommt der Weihnachtsmann
d)Oh Morgestraich
Drei Blondine träffe sich nach Wienachte. «Mi Fründ hett mer e Buech
gschänggt - drbi kann ych gar nid läse» seit die Erschti. «Das isch no
gar nit» meint die Zweiti «mine hett mer e Terminplaner gä, drbi kann
ych gar nid schryybe». «Bi mir isch es no schlimmer» eryferet sich die
Dritti «mi Schatz hett mer e Deoroller gschänggt, drbi ha ych gar kei
Fahrusswyys».
Rätschbääse-Egge
Impressum
Redaktions-Team:
Tobias Brenneisen, Ruth Kasselmann,
Melanie Kobler, Caroline Rippstein,
Claudine Rippstein, Dominique Saladin,
Sandra Stebler, Sarah Zwiller
Druggerey:
Typo AG | Mörsbergerstrasse 9
Postfach | 4016 Basel | 061 686 75 75
Ufflaag:
400 Expl. | 3 mol im Joor
hesch gwüsst …?
…dass dasjoor wieder vyyl Spalemer am Offizielle Brysdrummlen- und Pfyffe
dien teilnäh? (Me goht go luege!)
…dass d Spale dr Wanderbryys vo de Junge (wüssed Ihr no? Die Junge hänn
WIEDER dr Wanderbryys vo de Junge Pfyffergruppe gholt gha?!), schwären
Härzens zrugg git?! Dä passt soo guet in unsere Spalekäller!!
…dass d Décolleté vo de Spalefraue im Dirndl nit numme e gueti Falle gmacht
hänn, sondern sie hänn dr Spalekäller zum platze brocht am Kàllerabstieg.
…dass in 2 Joor am Källerabstieg alli Fraue wo schaffe e Dirndl sotte trage?
…dass am Källerabstieg s Bier usgange isch?
Layout und Satz:
Corina Brücher
Adrässänderige:
Melanie Kobler | Reussstrasse 95
4054 Basel | melaniekobler@gmail.com
Redaktionsschluss:
Aafangs 2011
Document
Kategorie
Seele and Geist
Seitenansichten
42
Dateigröße
7 730 KB
Tags
1/--Seiten
melden